Correo electrónico

boiroteca@gmail.com

domingo, 23 de marzo de 2025

8 M. Coñecendo mulleres que constrúen o mundo.




Como xa adiantamos, polo 8M decidimos preparar un pequeno traballo de investigación sobre mulleres salientables da nosa historia utilizando os materiais dos que dispoñemos na Boiroteca, que son moitos e moi interesantes. Preparamos un Padlet con todos eles e metémolos nunha caixa que se podía levar ás aulas ou utilizar na propia biblioteca. Foron varios os e as profes que se animaron a facer uso dela, e agora os traballos realizados polo alumnado están expostos nos corredores do centro. Botádelles un ollo, descubriredes a mulleres moi interesantes!

  

jueves, 20 de febrero de 2025

As mulleres constrúen o mundo








Feito con Padlet
Son moitas as mulleres que participan e participaron na construción do mundo, aínda que moitas veces non as atopemos nos nosos libros de texto. Por iso, dende a Boiroteca, preparamos unha selección de materiais que a comunidade educativa pode utilizar para coñecer a vida e obra destas mulleres que debemos recorda

viernes, 6 de diciembre de 2024

Novembro. Mes da ciencia en galego na biblioteca escolar

 Para celebrar o "Mes da ciencia en galego na biblioteca escolar" dende a Boiroteca invitamos aos usuarios e usuarias a participar en distintas actividades:

- Ler ciencia na Biblioteca Escolar: exposición temática de libros científicos (matemáticas, zooloxía, astronomía, medio ambiente...).

- Concurso de acertixos matemáticos todos os venres do mes de novembro.

- Exposición de Xardíns Eternos do alumnado de 4º PDC, con explicacións do proceso de creación e funcionamento destes preciosos xardíns en miniatura.

- Obradoiro de Xardíns Eternos para alumnado e profesorado. Todo un éxito que agardamos replicar en vindeiras actividades.

Moitas grazas a todas e todos os que participastes nas actividades, sobre todo á nosa profe de Física e Química Teresa Sumay, que impartiu os obradoiros de xardinería.

Agardámosvos co mesmo entusiasmo nas próximas actividades que están por vir!!

martes, 15 de octubre de 2024

Concursos polo Samaín'24

 Outro ano máis a Biblioteca ten o pracer de convidaros a que participedes nos concursos de terror deste ano

Concurso de Relatos.

Elabora a túa historia de medo e déixaa na caixa que atoparás na biblioteca.
Tes ata o 25 de outubro!!

Concurso de Fotos.

Fai unha ou varias fotos de medo e envíaas a boiroteca@gmail.com ou deixaas na biblioteca antes do 25 de outubro!

Concurso de Cabazas.

Decora e trae a túa cabaza o día 30 de outubro. Que medo!


viernes, 21 de junio de 2024

RECOMENDACIÓNS LECTORAS PARA O VERÁN: Un verán en viñetas




Comeza o verán e non hai mellor plan para as horas mortas destas vacacións que a lectura. Aquí deixamos as nosas recomendacións cheas de grandes historias e marabillosas ilustracións. A gozar do verán e da BD! Vémonos en setembro.