Perdidas entre mortos viventes e criaturas redivivas, diaños, defuntos, aparecidos e pantasmas, as fotos dos nosos participantes foron expostas no corredor que leva á sala de profesores, non deixedes pasar a ocasión de botarlle un ollo (e non o digo literalmente, lembrade que algunhas das personaxes retratadas veríano como un bo aperitivo).
A nosa Biblioteca foi enfeitizada polas bruxas de Boiro, enchéndose de Cabazas decoradas para a ocasión, medio ocultas entre unha morea de arañeiras misteriosas.
Tras moitas deliberacións e preguntas e recollendo o sentir da maioría do persoal entrevistado do centro, o premio á foto gañadora recaeu en Gabriel Piñeiro Fernández (4ºESO A) sendo finalistas Aida López e Lara Manzanedo Matilla.
Os relatos que máis estremeceron os xuíces foron Viaxe ó reino de Hades de Lara Manzanedo Matilla (2º Bacharelato C) na categoría de bacaharelato e As pegadas oíanse preto de Julia Martínez Tomé (3ºESO A) na categoría de ESO.
Vanesa Somoza González (2ºESO B) acadou o premio á mellor cabaza.Só pode haber un gañador, aínda que fosen moit@s os que o merecesen, pero así son as cousas e os recortes non nos dan máis que para un premio por categoría.
Esperamos que iniciativas como esta sexan mellor acollidas e valoradas de cara á normalización da fotografía e a escrita como medio de expresión. (Tamén tallar cabazas, ou!)
Aquí podedes ver as fotos concursantes.
