Correo electrónico

boiroteca@gmail.com

miércoles, 21 de octubre de 2015

Concursos de Samaín

Chega o Samaín, e a vosa Biblioteca de Centro ten o pracer de convocar o IV Concurso de Relatos, Fotos e Cabazas de Medo!

O Samaín é unha festividade pagana relacionada co Equinocio de Outono, unha data que case todas as culturas ancestrais relacionan cun momento de tránsito co alén, cando as ánimas dos defuntos poden atoparse e relacionarse cas dos vivos.

O profesor Rafael López Loureiro é o principal defensor da tese da galeguidade do samaín. Para el, o costume sobreviviu en Galicia ata épocas relativamente recentes (polo menos ata hai uns 30 anos) en que esmoreceu para converterse, unicamente, nunha celebración do día de Defuntos.

Para celebrar esta costume dos nosos antergos, a Biblioteca preséntavos tres concursos nos que dar renda solta á vosa creatividade.

Os traballos enviaranse ben identificados ao mail da biblioteca: boiroteca@gmail.com antes do 29 de outubro. As bases particulares de cada concurso podedes velas na súa foto correspondente.

Animádevos a participar! Haberá premios escalofriantes!!



viernes, 19 de junio de 2015

Traballos do 1º Ciclo no eido da semana temática

Aquí atoparedes os traballos realizados polos alumnos do primeiro ciclo, no eido da semana temática.
Cedidos pola profesora Chus.


Preme AQUÍ para acceder aos contidos.

Guía de lectura para o verán 2015

Dende a vosa Biblioteca temos a ledicia de recomendarvos o pracer da lectura de cara ao parón veraniego.
Velaquí as nosas recomendacións:



Todas as obras recomendadas atoparalas na biblioteca do IES Praia Barraña.

viernes, 8 de mayo de 2015

Día das Letras Galegas 2015: Xosé Filgueira Valverde

Xa está aí o Día das Letras Galegas, o 17 de maio, este ano adicado ao escritor, académico, investigador, intelectual, político,... Xosé Filgueira Valverde, coñecido co alcume de "o vello profesor", un persoeiro cuxa elección suscitou certa polémica pola súa vinculación ao aparato do Réxime Franquista.

Achégate á Biblioteca a coñecer a súa obra. Faremos lecturas conxuntas.

Anímate tamén a participar no concurso literario e de cartéis que organiza o departamento de Galego.

Esperámoste.


















jueves, 16 de abril de 2015

Quico Cadaval o día 21 ás 10:30

O alumnado de segundo de bacharelato terán o pracer de asistir a unha sesión de contacontos/monólogos da man do sorprendente Quico Cadaval, o martes 21 ás 10:30, dentro do ciclo de actividades da II Semana Temática do IES Praia Barraña.

Quico Cadaval, nado en Ribeira o 27 de marzo de 1960, é un actor, director, adaptador teatral e o impulsor do movemento de contacontos xurdido en Galicia na década dos noventa.


Aprendeu a contar contos dende moi neno grazas a unhas vellas que se encargaron de transmitirlle historias, e tamén grazas ás persoas, da máis variada índole, que pasaban pola taberna de súa nai. Comezou na interpretación teatral a finais dos setenta no Centro Dramático Galego, e xa nos oitenta fundou a súa propia compañía: "O Moucho Clerc".

Traballou en diferentes producións da TVG, así como en curtametraxes e longametraxes, e recibiu diferentes premios polo seu traballo no teatro. Foi profesor de interpretación da Operación Triunfo portuguesa no ano 2003.
En 2011 recibiu o Premio Cultura Galega das Artes Escénicas que outorga a Xunta de Galicia.

Quico Cadaval en Pontevedra.jpg
Quico Cadaval nunha gala na boirensa Pousada das Ánimas.

Fonte: Galipedia

Concerto didáctico de NARF o día 20 ás 12:30

Este lúns o alumnado de primeiro de bacharelato do IES Praia Barraña terá a ledicia de disfrutar da inauguración da II Semana Temática cun fabuloso concerto didáctico de NARF, o roqueiro que canta a Rosalía.
Marcade a data no calendario!

De Rosalía a Craveirinha. A marabillosa viaxe da lingua Galega.

Tras varios anos de viaxes e experiencias de intercambio con artistas de países como Brasil, Mozambique, Portugal, Cabo Verde ou Guiné Bissau, Fran Pérez “Narf” foi construíndo un repertorio que, partindo do Galego, foise ampliando co intercambio con outros creadores da Lusofonía, xerando un pequeno ámbito de convivencia entre linguas que comparten a mesma orixe.

Aproveitando o lanzamento do seu último disco “Nas Tardes escuras”, no que NARF explora a poesía de Rosalía de Castro desde a linguaxe innovadora e contundente do Rock contemporáneo, con sorprendentes resultados e magníficas críticas; o artista propón para os estudantes unha viaxe musical que ilustrará diferentes aspectos da potencia e modernidade da nosa lingua no mundo de hoxe, como vínculo de intercambio, expresión artística e de comunicación coas distantes culturas que comparten con nós o tesouro dunha lingua de raíz común. Poemas cantados, que van dende a voz atlántica da nosa Rosalía ata os poemas índicos do Mozambicano José Craveirinha pasando polo portugués Luis de Camões, ata outros autores contemporáneos como Xelís de Toro (Galiza), Sonia Sountuane (Mozambique) ou Paulo Macamo (Mozambique).

Ademais outras cancións escritas polo propio Narf en colaboración con artistas como Manecas Costa (Guiné-Bissau). Neste concerto, de formato intimista, escoitaremos cantar en Galego, en Portugués, en linguas de orixe bantú como Shangana ou Machopi, e tamén en Inglés escrito por galegos, dando a entender a gran capacidade do noso idioma e da nosa identidade para conectar a persoas de moi diferente orixe cultural, pero que teñen o vínculo da fala, que funciona como una ponte única para o encontro.

Desas experiencias vitais, reflectidas nas cancións, falará Fran Pérez durante o concerto, ofrecendo tamén a posibilidade de establecer un diálogo cos alumnos, de maneira moi distendida, entre canción e canción, respondendo ás preguntas que desexen facer.

 Fran Pérez “Narf” participou en importantes festivais da Lusofonía, como o Mercado Cultural de Salvador da Bahía, (Brasil), varias edicións do Festival d D´Agosto en Maputo (Mozambique) Festival de Mindelo (Cabo Verde) ou Cantos na Maré en Pontevedra. Tamén presentou os seus concertos en cidades como Sao Paulo, Buenos Aires, Londres ou Nova Delhi.

Recentemente o disco “Aló Irmao”, un traballo conxunto co Guineano Manecas Costa, acadou o nº 1 das listas da emisora RDP AFRICA, que emite para todos os países da Lusofonía. En decembro de 2013 foi galardoado nos primeiros Premios Galegos da Música Martín Códax, como o mellor artista galego na categoría de Rock/Blues/Funk/Soul.



Na actualidade presenta os seus concertos en formato de trío rock, ou en solitario.

www.franpereznarf.com 
Facebook NARF

miércoles, 18 de marzo de 2015

A todas as mulleres que nos poñen voz



O equipo de voluntariado da Biblioteca, @s Boirotek@s, ven de facer unha homenaxe ás mulleres escritoras, sendo que son as que falan en nome e representación do sexo femenino.


Sirva pois de merecida homenaxe e sentido recoñecemento este tema no Blog, e o mural que actualmente engalana a vosa Boiroteca.


As escritoras escollidas son:
(Preme en "Máis Información" para ver)
   

jueves, 5 de marzo de 2015

Presentación do II Proxecto de Biblioteca de Centro



Ola Boirotek@s!!

Presentámosvos o cartel do II Proxecto da Biblioteca de Centro, que ten como protagonistas as tradicións e costumes, que serán tratadas de forma transversal nas diferentes materias.

Nas próximas semanas a Biblioteca exporá as distintas actividades relacionadas co proxecto, elaboradas nos diferentes departamentos didácticos por todos vós.

sábado, 21 de febrero de 2015

Entroido 2015

A Biblioteca e @s alumn@s de 2ºBach D ofrécenvos o Photocall do pasado Entroido 2015 no IES Praia Barraña.


https://plus.google.com/photos/101012797961363624579/albums/6118042646980456753
Preme na foto para acceder á galería


Fotos por Pascual Vidal.

domingo, 15 de febrero de 2015

O Amor xa ten gañadores!!!

O pasado xoves, no segundo recreo, demos a coñecer aos gañadores do Concurso de Cartas de Amor!

A biblioteca estaba ateigada e non cabía ninguén máis, a xente estaba nerviosa e expectante por saber se a súa carta era a gañadora.

Estes foron os que se fixeron co ansiado premio:



- Alba Castro Vidal, de 1º ESO B, conquistounos coa súa carta chea de amor e sentimento.



- Sergio Piñeiro Bermúdez regalou os nosos corazóns cunhas liñas que lograron emocionarnos e acadou o premio do segundo ciclo da ESO.



- Juan Pérez Santamaría de 2º Bach D namorounos cunha preciosa epístola, facéndose co galardón destinado aos bachareles.



Este ano tivemos un premio especial para unha carta que nos sorprendeu enormemente escrita por Solagne, a profesora de Francés.



Pero foron moitas as cartas que quedaron sen premio e merecen unha mención especial, como a de Manuel Núñez Nieto, que escribe á súa amada desde Palestina, a de Lois Pimentel Iglesias, cunha emotiva carta de amor á lingua, á nai, a de Marta Folgar Martínez,... que tendes que ler.

Coa Biblioteca chea de simbólicos corazóns que colgaban do teito e se balanceaban levemente coa tenue brisa que levantaban as ás de Cupido, poemas de amor engalanando as paredes, os asistentes disfrutaron das larpeiradas propias do Entroido, feitas na casa polas amables mans de Ánder, Sara e Carme de 2ª Bach D, os cales puxeron a nota doce á entrega de premios.

Esperamos que vos gustase a iniciativa e disfrutade das fotos do evento, que podedes ver AQUÍ.

jueves, 12 de febrero de 2015

Exposición de Matemáticas: Historia de como aprendimos a contar e os aparellos empregados




Do 9 de febreiro ao 4 de marzo estará no no noso centro unha nova exposición de matemáticas: De como aprendemos a contar e os aparellos empregados.

A exposición amosa 20 carteis nos que vemos a evolución do cálculo dende a prehistoria ata os nosos días.

Ademais 10 paneis nos que vemos como foron evolucionando os números nas diferentes culturas.

E 20 paneis máis con fotografías das diferentes máquinas que se utilizaron para calcular ao longo da historia.

Esta exposición pretende responder á típica pregunta: Para que serven as matemáticas?, e intenta amosar que as matemáticas son unha das ciencias máis antigas e máis útiles.



 

jueves, 22 de enero de 2015

Suxestións de lecturas de amor



Pasa polo expositor da biblioteca onde atoparás unha ampla selección de libros de amor.
Seguro que hai un libro para ti.

miércoles, 21 de enero de 2015

Palabra de Boirotek@!: Entrevistas a libreir@s da vila

As nosas Boirotekas máis novas están facendo un traballo de investigación sobre os hábitos de lectura na vila, a través dunha serie de entrevistas a diferentes persoas que nos amosan a súa relación cos libros e a lectura en xeral.

A primeira entrevista achéganos a Pili, a libreira que rexenta a libraría máis próxima ó Instituto.

Agardamos que sexa do voso interese e lembrade, a lectura é o comezo dunha viaxe que nunca terá fin e levaravos ós lugares máis asombrosos do Universo.



Entrevistas libreir@s da vila: Librería PILI





Nome: Librería Pili

Rúa: Avd. de Compostela

Rexentada por: Pilar Silva Castro

- Ola, podémoslle facer unhas preguntas?
Si, por suposto.

- Cantos anos leva aberta a libraría? En que ano se abriu?
Abriu hai 32 anos, no 1982.

- Trátase dun negocio familiar? Que xeración é a actual?
Si, é un negocio familiar. Son a primeira xeración.

- Nestes tempos nos que se le pouco, segue a ser un negocio que funciona?
Non, só se mantén pola papelaría, coma a maioría das librerías. É o que a está á salvar.

- Nota a competencia do libro electrónico?
Si, nótase moitísimo.

- Le a xente de Boiro? Merca moitos libros?
Non, moi pouco. Case non se mercan libros.

- Que tipo de libros vende máis?
O que máis se vende é a intriga, o misterio e a ciencia ficción.

- Supoñemos que como libreira, é afeccionada á lectura.
Si, moitísimo.

- Que prefire: novela ou poesía?
Novela, sen dúbida.

- Cando e onde lle gusta ler?
Aquí, na librería, polas tardes, cando hai pouca clientela.

- En que lingua adoita ler?
Normalmente en castelán.

- Cal é o seu escritor-a preferido?
Teño moitos pero, neste momento, gústame moito Dolores Redondo.

- Que lía á nosa idade?
Lía sobre todo a Xulio Verne, aínda que tamén lía a outros escritores.

- Que está a ler agora?
Estou lendo “El asesinato por diversión”, de Fredric Brown.

-Que é a lectura para vostede?
É un modo de ampliar vocabulario, de pasar uns momentos agradables, de entreterse, etc.

-Por último, que libros nos recomendaría?
Eu recomendo a Laura Gallego, é moi boa e idónea para a vosa idade.

-Moitas grazas pola súa atención.

lunes, 19 de enero de 2015

Concurso de CARTAS DE AMOR por San Valentín


Ola.
Xa se aproxima o día dos namorados e a vosa Biblioteca comenza a arrecender a pétalos de rosa.

Convocamos o CONCURSO DE CARTAS DE AMOR coas seguintes bases:

- Pode participar calquera persoa que pertenza á comunidade educativa do IES Praia Barraña de Boiro.
- Escribe unha carta de amor e deposítaa na caixa de correos que atoparás na Biblioteca.
- O prazo de entrega remata o día 6 de febreiro.
- A tres mellores cartas serán premiadas.

Respirade a fondo para osixenar as bolboretas do estómago, calmar a patata e baixar a bilirrubina e poñédevos mans á obra!

E para inspirarvos velaí unha bonita canción de amor.
Lela de Castelao, intepretada por Dulce Pontes.

Love is in the air.